رمضان جانا ......وفرحنا به ؟؟؟

كان فيه اغنيه قديمة لعبد المطلب بتقول

رمضان جانا وفرحنا به اهلا رمضان .........لاخر الاغنية

من كام يوم نزلت الاغنيه دى بمناسبة قدوم الشهر المبارك

بس وانا بسمعها سالت نفسى سؤال

احنا فعلا فرحانين بقدوم رمضان ؟؟؟؟؟

ورب الاسرة هيستقبل رمضان ازاى ؟؟؟

هاخد من وقتكوا دقيقتين اشرحلكوا الظروف الخاصه لرمضان 2007

السنة دى سنة كبيسه بكل المقاييس طبعا هيا كبيسه ع الموظف الغلبان

اللى مش عارف هيكفى مصاريف 3 مناسبات جايين ورا بعض فى شهر واحد

مع وجود ارتفاع الاسعار الرهيب اللى حكومتنا المصونه بتقول ان الاسعار نزلت مش عارف كام فى الميه

المهم سيبنا من كلام الحكومه لانه كلام لا بيودى ولا بيجيب

خلينا فى الموظف اللى قبض 300 ولا 400 ولا 500 جنيه

اول حاجة هيلاقيها فى وشه حاجات رمضان وزى ما احنا عارفين ان الاكل فى رمضان

بيكون الاستهلاك الضعف عن باقى الشهور ....مش عارف ليه ؟؟؟

بعد ما يبدأ رمضان بكام يوم هيلاقى مصاريف المدرسة والكتب والكشاكيل والدروس والمواصلات

المهم بعد كام اسبوع وخلصت بقا هوجة المدارس واستقرينا شوية هتلاقى العيد فى وشك على طووول

******************

**********

انا فكرت كتير لو انا متجوز ومخلف ولد او ولدين هعمل ايه؟؟

حتى لو انا متجوز ومش عندى ولاد برضه هنعمل ايه؟؟

اخر ما دماغى تعبت من التفكير قلت اكتب الكلمة دى علشان تفكروا معايا

هنفضل مقهورين كدا لحد امتى ؟؟؟؟

مش هويصكوا بقا فى رمضان واحنا بنصلى القيام كام دعوه كدا على اسمه ايه دا

اللى خللى البلد انضف من الصينى بعد غسيله

علشان احنا بقا اخرنا الدعاء

وكل رمضان وانتوا بخير